Վիճակագրական վարչությունում գրանցվելու կարիք չկա:
ՀՀ Վիճակագրության պետական խորհրդի 03.10.2003թ. 11-Ն որոշման Հավելված 1-ի 8-րդ կետի համաձայն.
 " Պետական վիճակագրական դիտարկումներում ընդգրկվելու (ընտրվելու) կամ դուրս հանվելու մասին վիճակագրական տեղեկություններ տրամադրողները նախապես գրավոր իրազեկվում են Հայաստանի Հանրապետության ազգային վիճակագրական ծառայության (այսուհետ` պետական վիճակագրություն իրականացնող մարմին) կողմից:"
Եթե ստացել եք համապատասխան իրազեկումը, ապա "Պետական վիճակագրության մասին" ՀՀ օրենքի 20-րդ հոդվածի պահանջներից ելնելով, պարտավոր եք ներկայացնել իրազեկման մեջ նշված հաշվետվությունները:
Դրանք չներկայացնելու դեպքում կարող եք ենթարկվել վարչական պատասխանատվության ՀՀ Վարչական իրավախախտումների վերաբերյալ օրենսգրքի 1692 հոդվածի համաձայն. նախազգուշացում կամ տուգանքի նշանակում` սահմանված նվազագույն աշխատավարձի քսանապատիկի չափով, իսկ մեկ տարվա ընթացքում կրկին խախտում կատարելու դեպքում` տուգանքի նշանակում` սահմանված նվազագույն աշխատավարձի հիսնապատիկի չափով:
 

Իսկ եթե իրազեկում չեմ ստացել, պարտավո՞ր եմ արդյոք ներկայացնել որևէ վիճակագրական հաշվետվություն

    Ոչ, պարտավոր չեք:
   "Պետական վիճակագրության մասին " ՀՀ օրենքի 16-րդ հոդվածի համաձայն.
    Պետական վիճակագրություն իրականացնող մարմինը պարտավոր է` պետական վիճակագրական տեղեկություններ տրամադրողներին անվճար ապահովել վիճակագրական հաշվետվությունների ձեւերով եւ հրահանգներով, նրանց տեղյակ պահել վիճակագրական հաշվետվությունների ներկայացման ժամկետների, պարբերականության եւ ներկայացվող պահանջների մասին:
    Եթե պետական մարմինը չկատարի իր պարտավորությունները, ապա Ձեզ մոտ չի կարող ծագել որևէ վիճակագրական հաշվետվություն ներկայացնելու պարտավորություն:

իսկ ինչ բան է բիզնես ռեգիստրը։ Ինձ ասել են, որ ամեն տարի ես պարտավոր եմ տեղեկություն տրամադրել վիճակագրական բիզնես ռեգիստրի համար։

ՀՀ Վիճակագրական պետական խորհրդի 10.12.2012թ. թիվ 31-Ն որոշմամբ հաստատված բիզնես ռեգիստրի հարցաթերթը նույն որոշմանը կից հրահանգի համաձայն  լրացվում է Հայաստանի Հանրապետության արդարադատության նախարարության իրավաբանական անձանց պետական ռեգիստրում գրանցված բոլոր իրավաբանական անձանց կողմից տարին մեկ անգամ: