Հարգելի A.M.,

   Համաձայն ՀՀ կառավարության 29.12.2005թ. թիվ 2335-Ն որոշման 1-ին հավելվածի 3-րդ կետի` աշխատողները գործուղման մեկնում են գործատուի անհատական իրավական ակտի համաձայն, որում նշվում են գործուղման վայրը (վայրերը` քաղաք, գյուղ), կազմակերպության անվանումը, նպատակը և ժամկետները: Նույն որոշման 6-րդ կետի համաձայն` գործուղման մեկնելու օր է համարվում աշխատողի աշխատանքի հիմնական վայրից մեկնելու օրը, իսկ վերադառնալու օրը` աշխատանքի հիմնական վայր ժամանելու օրը: Անհատական իրավական ակտի հիման վրա ձևակերպվում է գործուղման վկայականը (բացի օտարերկրյա գործուղումներից):
      Վերոնշյալ որոշման 7-րդ կետում նշված են գործուղվող աշխատողին վճարվող ծախսերը: Նույն կետի 4-րդ պարբերության համաձայն`գործատուի կողմից հատուցման ենթակա չեն հրավիրող կողմի միջոցներից կամ այլ աղբյուրներից լրիվ ֆինանսավորման դեպքում կատարված ծախսերը: Հրավիրող կողմի միջոցներից կամ այլ աղբյուրներից ծախսերի մասնակի ֆինանսավորման դեպքում հատուցման ենթակա գումարի տարբերությունը գործուղվող աշխատողին վճարվում է գործատուի կողմից:
    Հետևաբար, հրամանում նշված գործուղման այն օրվա համար, որի օրապահիկի ծախսերը չի հոգում հրավիրող կողմը, գործատուն պետք է վճարի գործուղվող աշխատողին: