Հարգելի Kamo Kamo,
ՀՀ աշխատանքային օրենսգրքի
142-րդ հոդվածի 1-ին մասի համաձայն` աշխատանքի ռեժիմը սահմանվում է կազմակերպության ներքին կարգապահական կանոններով:
Համաձայն ՀՀ աշխատանքային օրենսգրքի
139-րդ հոդվածի 4-րդ մասի`առանձին կատեգորիայի աշխատողների աշխատաժամանակի տևողությունը կարող է կազմել օրական 24 ժամ: Նման աշխատանքների
ցանկը սահմանված է ՀՀ կառավարության 11.08.2005 թվականի թիվ 1223-Ն որոշմամբ, որում ներառված է նաև պահակների աշխատանքը:
Միաժամանակ նշեմ, որ համաձայն ՀՀ աշխատանքային օրենսգրքի 139-րդ հոդված 4-րդ մասի` օրական 24 ժամ գրաֆիկով աշխատողի աշխատաժամանակի միջին տևողությունը շաբաթվա ընթացքում չի կարող անցնել 48 ժամից, իսկ աշխատանքային օրերի միջև հանգստի ժամանակը չի կարող պակաս լինել 24 ժամից:
Ելնելով վերոգրյալից` պահակների աշխատանքի գրաֆիկը կարող եք կազմել` հաշվի առնելով համապատասխան դրույթների պահանջները և կազմակերպության ներքին կարգապահական կանոններով սահմանված հերթափոխի սկիզբն ու ավարտը: