Հարգելի՛ Աննա,
ՀՀ քաղաքացիական օրենսգրքի
1226-րդ հոդվածով սահմանվում է ժառանգության ընդունման եղանակները:
Սույն հոդվածի մեկնաբանության արդյունքում գալիս ենք այն եզրահանգման, որ եթե Ձեր ընկերուհին իր մոր մահից հետո շարունակել է ապրել ծնողին պատկանող տանը, ապա համարվում է, որ նա ընդունել է ժառանգությունը: Այս դեպքում Ձեր ընկերուհին պետք է նոտարական գրասենյակ ներկայացնի ապացույցներ, որ փաստացի բնակվել է բնակարանում /ներառյալ կատարել է ծախսեր` վճարել հարկերը, կոմունալ վճարները և այլն/:
Վերոնշյալ փաստաթղթերի հիման վրա Ձեր ընկերուհին կարող է ընդունել ժառանգությունը: