Հարգելի A.M.,

   Ձեր հարցից ենթադրվում է, որ հարկային մարմնի կողմից ընդունվել է վարչական ակտ, որի բողոքարկման ժամկետները Ձեր կողմից բաց են թողնվել: Համաձայն «Վարչարարության հիմունքների և վարչական վարույթի մասին» ՀՀ օրենքի 71-րդ հոդվածի 2-րդ մասի`բողոքարկման ժամկետները բաց թողնելուց հետո ակտը դառնում է անբողոքարկելի վարչական ակտ:  
   Համաձայն «Դատական ակտերի հարկադիր կատարման մասին» ՀՀ օրենքի 2-րդ հոդվածի 7-րդ կետի`հարկադիր կատարման ենթակա են անբողոքարկելի վարչական ակտերը` «Վարչարարության հիմունքների և վարչական վարույթի մասին» ՀՀ օրենքի 13-րդ գլխով սահմանված կարգով:
  Վերոգրյալից հետևում է, որ անբողոքարկելի վարչական ակտի հիման վրա վարչական մարմինն իրավունք ունի դրամական պահանջները ներկայացնել հարկադիր կատարման` «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով:
    

Karine_A,
Շնորհակալ եմ պատասխանելու համար, խնդրում եմ ասեք` թե ինչու է այդ գումարը հետ վերադարձվել  հարկ

   Հարգելի՛ Կարինե, այս հրամանի 2-րդ կետի 2-րդ ենթակետի բովանդակության մեջ  կխնդրեի բացատրեք, օրենքով սահմանված արտոնություններից օգտվող ֆիզիկական անձ ո՞վ է համարվում, որովհետև նրանց նկատմամբ անբողոքարկելի դարձած գանձման որոշումները ԴԱՀԿ չեն ներկայացվում:

ՀՐԱՄԱՆ՝
http://www.petekamutner.am/Shared/Documents/_ts/_tl/Other/Departmental_Acts/hr_hhpekn_2018_627l.pdf?fbclid=IwAR0DtInTU0UigU1ezEjR4LrF0te7RSqot8P8DFaZzNx1XMZPhDu3TvvqRbo

  Հարգելի A.M.,

  Հրամանի 2-րդ կետի 2-րդ ենթակետում նշված` Օրենքով սահմանված արտոնություններից օգտվող ֆիզիկական անձանց շրջանակը սահմանված է 21.06.2018թ. ՀՕ-339-Ն օրենքով, որը կարգավորում է անհատ ձեռնարկատեր չհամարվող ֆիզիկական անձանց համար հարկային մարմնի կողմից վերահսկվող եկամուտների գծով արտոնություններ սահմանելու և արտոնությունների կիրառման հետ կապված հարաբերությունները:
  Ինչ վերաբերում է գումարը միասնական հաշվին վերադարձնելու հետ կապված հարցին, կարող եք ճշտել հարկային մարմնից:

Karine_A, չեն կարողանում պատասխանել հստակ եւ ասել, թե ինչ հիմքով կամ օրենքի որ կետով է կատարվել գործողություն, որի արդյունքում էլ դատարան դիմելու ժամկետն էլ է անցել: