Հարգելի Mels Karapetyan,
Աշխատանքային պայմանագիրը լուծվելու դեպքում գործատուն պարտավոր է աշխատողի հետ կատարել լրիվ վերջնահաշվարկ` համաձայն ՀՀ աշխատանքային օրենսգրքի
130-րդ հոդվածի: Աշխատանքից ազատվելիս աշխատողին վճարվում է նաև չօգտագործված բոլոր արձակուրդների համար դրամական հատուցում` համաձայն ՀՀ աշխատանքային օրենսգրքի
170-րդ հոդվածի: Քանի որ աշխատանքային օրենսգրքի
165-րդ հոդվածի 3-րդ կետի համաձայն ամենամյա արձակուրդի համար անհրաժեշտ աշխատանքային ստաժի մեջ ներառվում է աշխատողի ժամանակավոր անաշխատունակության ժամանակահատվածը, ուստի չօգտագործված արձակուրդի օրերի քանակը հաշվարկելիս հաշվի են առնվել ներքոհիշյալ ժամանակահատվածները:
Տվյալ դեպքում 01.04.2016-01.04.2017 թթ. ժամանակահատվածի համար աշխատակցի չօգտագործված արձակուրդի օրերի քանակը կազմում է 5 աշխատանքային օր, 01.04.2017-01.04.2018թթ. ժամանակահատվածի համար` 20 աշխատանքային օր, իսկ 01.04.2018-18.06.2018թթ. ժամանակահատվածի համար` 4 աշխատանքային օր: Այսպիսով, աշխատակցի ամենամյա արձակուրդի չօգտագործված արձակուրդի օրերի քանակը կազմում է 29 աշխատանքային օր, որը համաձայն ՀՀ աշխատանքային օրենսգրքի
169-րդ հոդվածի 1-ին մասի բազմապատկվում է միջին օրական աշխատավարձով: Միջին օրական աշխատավարձը հաշվարկվում է ՀՀ աշխատանքային օրենսգրքի
195-րդ հոդվածի համաձայն: