Հարգելի Artyom Mosikyan,
Երաշխավորը, երաշխավորության պայմանագրով, այլ անձի պարտատիրոջ առջև
պարտավորվում է պատասխանատվություն կրել այդ անձի կողմից իր պարտավորությունը
լրիվ կամ մասնակի կատարելու համար:
Քաղաքացիական օրենսգրքի
377-րդ հոդվածով սահմանվում է երաշխավորի պատասխանատվությունները, իսկ նույն օրենսգրքի
379-րդ հոդվածով սահմանվում է երաշխավորի իրավունքները:
Վերոնշյալ հոդվածների մեկնաբանությունից բխում է, որ երաշխավորը պարտատիրոջ առջև պատասխանատվություն է կրում նույն ծավալով, ինչ պարտապանը`
ներառյալ տոկոսներ վճարելը, պարտքը բռնագանձելու կապակցությամբ դատական ծախսերը և պարտապանի կողմից պարտավորությունը չկատարելու կամ անպատշաճ կատարելու հետևանքով առաջացած` պարտատիրոջ այլ վնասները հատուցելը, եթե այլ բան նախատեսված չէ երաշխավորության պայմանագրով: Միևնույն ժամանակա պարտավորությունը կատարած
երաշխավորին են անցնում այդ պարտավորությամբ պարտատիրոջ
իրավունքները և պարտատիրոջ իրավունքներն այն ծավալով,
որով երաշխավորը բավարարել է պարտատիրոջ պահանջը: