Հարգելի Շահանե Լալայան,
Ծառայություններ մատուցող ֆիզիկական անձի հետ պետք է կնքվի քաղաքացիաիրավական պայմանագիր: Համաձայն «Եկամտային հարկի, շահութահարկի և սոցիալական վճարի անձնավորված հաշվառման մասին» ՀՀ օրենքի
10-րդ հոդվածի 1-ին մասի 2-րդ ենթակետի` գործատուն պարտավոր է քաղաքացու հետ քաղաքացիաիրավական պայմանագիր կնքելու դեպքում հարկային մարմին ներկայացնել գրանցման հայտ, որը ձևավորվում և ներկայացվում է ՀՀ կառավարության 20.12.2012 թ. թիվ 1676-Ն որոշման 1-ին հավելվածով սահմանված
կարգով: Մասնավորապես, նույն կարգի
3-րդ կետի համաձայն գրանցման հայտը ձևավորվում է ծրագրային ապահովման միջոցով, որը հասանելի է www.taxservice.am կայքէջին կից գործող
https://file-online.taxservice.am հաշվետվությունների ներկայացման էլեկտրոնային համակարգի, հարկային մարմնի տարածքային մարմիններում տեղակայված տերմինալների, ինչպես նաև այլ ծրագրերից համապատասխան xml. ձևաչափով ներբեռնելու միջոցով:
Ինչ վերաբերում է քաղաքացիաիրավական պայմանագրով վճարմանը, նշեմ, որ այն կատարվում է կողմերի համաձայնությամբ սահմանված կարգով ու չափով: