Հարգելի AnnaHai,
Համաձայն «Պետական նպաստների մասին» ՀՀ օրենքի
23.1-ին հոդվածի 1-ին կետի 3-րդ ենթակետի`
մայրության նպաստի իրավունք ունի ՀՀ բնակության վայրի հասցեով հաշվառված` հղիության և ծննդաբերության արձակուրդի իրավունք ունենալու ժամանակահատվածի առաջին օրվա դրությամբ վարձու աշխատող կամ ինքնուրույնաբար իրեն աշխատանքով ապահոված անձ չհանդիսացող անձը: Նպաստը նշանակելու համար դիմողը նույն օրենքի
23.1-ին հոդվածի 4-րդ մասում նշված ժամկետում տարածքային կենտրոն է ներկայացնում ՀՀ կառավարության 08.10.2015թ. թիվ 1179-Ն որոշման 1-ին հավելվածի
4-րդ կետով սահմանված փաստաթղթերը:
Համաձայն «Պետական նպաստների մասին» ՀՀ օրենքի
24-րդ հոդվածի 1-ին կետի.«
Երեխայի ծննդյան միանվագ նպաստի իրավունք ունեն երեխայի (որի ծննդյան կապակցությամբ ծագել է ծննդյան միանվագ նպաստի իրավունքը, այսուհետ` նոր ծնված երեխա) ծնողը, որդեգրողը կամ խնամակալը (այսուհետ`ծնող): Երեխայի ծննդյան միանվագ նպաստը նշանակվում և վճարվում է, եթե ծնողը և նոր ծնված երեխան հաշվառված են ՀՀ-ում բնակության վայրի հասցեով, և նոր ծնված երեխայի ծննդի պետական գրանցումն իրականացրել է ՀՀ իրավասու մարմինը, կամ ծնողը և նոր ծնված երեխան դիմելու օրվա դրությամբ գտնվում են ՀՀ-ում (եթե նոր ծնված երեխայի ծննդի պետական գրանցումն իրականացրել է օտարերկրյա պետության իրավասու մարմինը)»: Համաձայն ՀՀ կառավարության 06.03.2014թ. թիվ 275-Ն որոշման 1-ին հավելվածի
8-րդ կետի. «Նոր ծնված երեխայի կարգաթիվը որոշելիս`հաշվի են առնվում նպաստը նշանակելու համար դիմելու օրվա դրությամբ
բնակչության պետական ռեգիստրում հաշվառված (անկախ բնակության (հաշվառման) վայրից)`
1) նոր ծնված երեխայի ծնողներից (հորից և մորից) սերված երեխաները և զավակները (
նոր ծնված երեխայի հարազատ քույրերն ու եղբայրները)....»: Վերոգրյալից հետևում է, որ երեխայի ծննդյան միանվագ նպաստի տրամադրման համար անհրաժեշտ պայման է ոչ թե մյուս երկու երեխաների
քաղաքացիությունը, այլ
հաշվառումը:
Նպաստը նշանակելու համար դիմողը վերոնշյալ օրենքի
24-րդ հոդվածի 6-րդ կետում նշված ժամկետում տարածքային բաժին է ներկայացնում ՀՀ կառավարության 06.03.2014թ. թիվ 275-Ն որոշման 1-ին հավելվածի
3-րդ կետով սահմանված փաստաթղթերը: