Հարգելի Artur232,

հողամասերի (բացառությամբ գյուղատնտեսական նշանակության հողերի) կադաստրային արժեքի հաշվարկման կարգը սահանվում է ՀՀ հարկային օրենսգրքի 11-րդ բաժնի 1-ին հավելվածի 6-րդ բաժնում:

Գաբրիելա, ես անցում կատարեցի Ձեր կողմից նշված հղումով, բայց այնտեղ միայն բանաձևեր էին և ես ոչ մի թիվ չունեմ ձեռքիս տակ, որ տեղադրեմ և ստանամ արդյունքը, ուստի խնդրում եմ, եթե գիտեք` կոնկրետ նշեք: Օրինակի համար նշեմ, որ Կոտայքի մարզ Քասախ համայնքի բնակավայրի հողի կադաստրային արժեքը 4524 դրամ է ք/մ -ի համար:

Հարգելի Artur232,

 Վեդի քաղաքի բնակավայրերի հողերի կադաստրային արժեքը հաշվարկվում է ՀՀ կառավարության 24.12.2003 թիվ 1746-Ն որոշմամբ հաստատված կարգով:
Վերոնշյալ կարգի համաձայն
ԿԳհող = Աբազա x Մհող x Գգ, որտեղ`
ԿԳհող-գնահատվող հողամասի կադաստրային գինն է` Վեդի քաղաքի բնակավայրերի հողերի կադաստրային արժեքը,
Աբազա- բնակավայրերի հողերի մեկ քառ. մետր մակերեսի բազային արժեքն է` արտահայտված դրամով, որը համաձայն վկայակոչված որոշման 2-րդ կետի կազմում է 60000 ՀՀ դրամ
Մհող-ն գնահատվող հողամասի մակերեսն է` արտահայտված քառ. մետրով,
Գգ-ն բնակավայրերի հողերի տարածագնահատման (գտնվելու վայրի) գոտիականության գործակիցն է, որը Վեդի քաղաքի բնակավայրերի հողերի դեպքում կազմում է 0.0207:
 Վերոնշյալից հետևում է, որ Վեդի քաղաքի բնակավայրերի հողերի կադաստրային արժեքը կազմում է 1242 դրամ քառ. մետրի համար:
 

Ani Hambardzumyan, շատ շնորհակալ եմ, բայց այս տվյալները ինչքանո՞վ են հավաստի, որովհետև զանգել եմ Վեդիի քաղաապետարան, ինձ պատասխանել են 500 քմ-ի համար 2,498,000 դրամ:

 
Հարգելի Artur232,

 Զանգեք Վեդիի քաղաքապետարան և պահանջեք իրավական հիմնավորումներ, քանի որ, ինչպես վերը նշեցի, Վեդի քաղաքի բնակավայրերի հողերի կադաստրային արժեքը հաշվարկվում է ՀՀ կառավարության 24.12.2003 թիվ 1746-Ն որոշմամբ:

Ani Hambardzumyan ես ճշտեցի, դուք իրավացի էիք՝ Ձեր նշված թիվը համապատասխանում էր իրականությանը,ինչի համար շատ շնորհակալ եմ:

Կխնդրեմ Կիլիկիա թաղ., Այասի փող., կադաստրային արժեքը ասեք, իմ իմանալով IV գոտի է:

Բնակավայրերի հողերի կադաստրային արժեքը հաշվարկվում է ՀՀ կառավարության 24.12.2003 թիվ 1746-Ն որոշմամբ հաստատված կարգի համաձայն: