ՀՀ աշխատանքային օրենսգրքի 169-րդ հոդվածի 1-ին մասի համաձայն` ամենամյա արձակուրդի համար գործատուն աշխատողին վճարում է միջին աշխատավարձ, որը հաշվարկվում է աշխատողի միջին օրական աշխատավարձը տրամադրվող արձակուրդի օրերի թվով բազմապատկելու միջոցով:
 Միջին աշխատավարձի հաշվարկման կարգը սահմանված է ՀՀ աշխատանքային օրենսգրքի 195-րդ հոդվածով, որի 2-րդ մասը կարգավորում է Ձեր կողմից բարձրացված հարցը:

Ani Hambardzumyan,  Շնորհակալ  եմ,  եթե  ճիշտ  հասկացա տվյալ դեպքում միջին աշխատավարձի փոխարեն հաշվարկման համար հիմք է ընդունվում աշխատողի համար օրենսդրությամբ սահմանված պաշտոնային դրույքաչափը կամ աշխատանքային պայմանագրով կամ աշխատանքի ընդունման մասին իրավական ակտով սահմանված ամսական աշխատավարձը։  Խնդրում  եմ ուղղել եթե սխալվում  եմ

Հարգելի Hayzan,
Ոչ,
Համաձայն ՀՀ աշխատանքային օրենսգրքի 195-րդ հոդվածի 2-րդ մասի 3-րդ պարբերության`եթե արձակուրդի համար վճարվող միջին աշխատավարձը հաշվարկելիս ֆիզ. արձակուրդում գտնվելու պատճառով 12 ամիսները չեն ձևավորվում, ապա աշխատողի միջին աշխատավարձի չափը հաշվարկվում է` տվյալ ժամանակահատվածում մյուս բոլոր ամիսների ընթացքում աշխատողի համար հաշվարկված աշխատանքի վարձատրության բոլոր տեսակների ընդհանուր գումարն այդ ամիսների թվի վրա բաժանելու միջոցով:
Այսինքն 12 ամիսների փոխարեն միջին աշխատավարձը հաշվարկելու համար հիմք ենք ընդունում  միայն այն ամիսների համար հաշվարկված աշխատավարձերի գումարը, որոնց ընթացքում անձը չի գտնվել ֆիզ.արձակուրդում և բաժանում ենք միայն այդ ամիսների թվի վրա:

Ani Hambardzumyan,  պետք է հասկանալ,  որ ոչ լրիվ աշխատած  ամիսը  նույնպես ներառվում  է հաշվարկի Մեջ?  տվյալ  դեպքում  միջին աշխատավարձըկհաշվարկի 2018թ. ին սեպտեմբերի 16-ից մինչև 2019թ հունվարի31 հաշվարկված աշխատանքի վարձատրության բոլոր տեսակների ընդհանուր գումարն այդ ամիսների թվի' 5-ի վրա բաժանելու միջոցով

 
Միջին աշխատավարձը հաշվարկելիս հիմք են ընդունվում միայն ամբողջական ամիսները, այսինքն սեպտեմբեր ամիսը չի հաշվարկվում:

Շատ շնորհակալ եմ հարգելի Ani Hambardzumyan