|
Վարկանիշ: 399 ♦
Հարց: 2 ♦
Պատասխան: 47
Պատասխանը տրվել է 12.02.2019, 12:01 -ին
Հարգելի VardanR, «Ժամանակավոր անաշխատունակության և մայրության նպաստների մասին» ՀՀ օրենքի 13-րդ հոդվածի 2-րդ մասի համաձայն`մինչև երեք տարեկան երեխայի խնամքի արձակուրդում գտնվելու դեպքում վարձու աշխատողներին մայրության նպաստը տրվում է ընդհանուր հիմունքներով` հղիության և ծննդաբերության արձակուրդի իրավունք ունենալու ժամանակահատվածի համար, բայց ոչ ավելի, քան մինչև աշխատողի աշխատանքի անցնելը: Իսկ մայրության նպաստների հաշվարկման, նշանակման և վճարման կարգը սահմանվում է ««Ժամանակավոր անաշխատունակության և մայրության նպաստների մասին» ՀՀ օրենքի կիրարկումն ապահովելու մասին» ՀՀ կառավարության 14.07.11 թիվ 1024-Ն որոշման 2-րդ հավելվածի 1-ին գլխով:
|
|
Վարկանիշ: 23 ♦
Հարց: 1 ♦
Պատասխան: 11
Պատասխանը տրվել է 12.02.2019, 13:01 -ին
Շնորհակալություն
կարգի 23-րդ կետի համաձայն խնամքի արձակուրդում գտնվելու ամիսների համար որպես եկամուտ հաշվառվում է խնամքի արձակուրդն սկսվելու ամսվան նախորդող ամսին աշխատանքային պայմանագրով սահմանված (անկախ հաշվարկվելու հանգամանքից) կամ հաշվարկված հիմնական աշխատավարձը։
Խնամքի արձակուրդը սկսվում է անմիջապես հղիության և ծննդաբերության արձակուրդից հետո։ Այսինքն տառացիորեն եթե նայենք խնամքի արձակուրդն սկսվելու ամսվան նախորդող ամիսը հղիության և ծննդաբերության արձակուրդի վերջին ամիսն է, որի ընթացքում աշխատակցուհին չի աշխատել և աշխատավարձ չի ստացել։
Ո՞ր ամիսը պետք է դիտարկել որպես խնամքի արձակուրդն սկսվելու ամսվան նախորդող ամիս՝ հղիության և ծննդաբերության արձակուրդի վերջին ամիսը, թե՞ հղիության և ծննդաբերության արձակուրդին նախորդող ամիսը, երբ աշխատակցուհին աշխատել է և նրա համար աշխատավարձ է հաշվարկվել և վճարվել։
Խնդիրն այնն է, որ աշխատանքային պայմանագիրը գործարքային է, և եթե որպես խնամքի արձակուրդն սկսվելու ամսվան նախորդող ամիս ընդունենք հղիության և ծննդաբերության արձակուրդի վերջին ամիսը, ապա այդ ամսվա համար ըստ աշխատանքային պայմանագրի հաշվարկված հիմնական աշխատավարձը 0 դրամ է։
|
|
Վարկանիշ: 399 ♦
Հարց: 2 ♦
Պատասխան: 47
Պատասխանը տրվել է 12.02.2019, 15:05 -ին
Կարգի 23-րդ կետի համաձայն խնամքի արձակուրդում գտնվելու ամիսների համար որպես եկամուտ հաշվառվում է խնամքի արձակուրդն սկսվելու ամսվան նախորդող ամսին աշխատանքային պայմանագրով սահմանված ( անկախ հաշվարկվելու հանգամանքից) կամ հաշվարկված հիմնական աշխատավարձը։ Նորմը պետք է մեկնաբանել տառացիորեն. մասնավորապես եթե հղիության և ծննդաբերության արձակուրդից հետո անձը աշխատանքի դուրս չի եկել, ապա խնամքի արձակուրդն սկսվելու ամսվան նախորդող ամիս պետք է համարել հղիության և ծննդաբերության արձակուրդի վերջին ամիսը: Սակայն մայրության նպատի հաշվարկման հիմք հանդիսացող միջին ամսական աշխատավարձը չի կարող 0 լինել: Մասնավորապես` «Ժամանակավոր անաշխատունակության և մայրության նպաստների մասին» ՀՀ օրենքի 22-րդ հոդվածի 6-րդ մասի համաձայն` եթե օրենքով սահմանված կարգով հաշվարկված` վարձու աշխատողի կամ ինքնուրույնաբար իրեն աշխատանքով ապահոված անձի մայրության նպաստը հաշվարկելու համար հիմք ընդունվող միջին ամսական աշխատավարձը կամ եկամուտը պակաս է նվազագույն ամսական աշխատավարձի հիսուն տոկոսից, ապա մայրության նպաստը հաշվարկվում է նվազագույն ամսական աշխատավարձի հիսուն տոկոսից: Նվազագույն ամսական աշխատավարձը սահմանվում է «Նվազագույն ամսական աշխատավարձի մասին» ՀՀ օրենքի 1-ին հոդվածով:
|
|
Վարկանիշ: 23 ♦
Հարց: 1 ♦
Պատասխան: 11
Պատասխանը տրվել է 12.02.2019, 17:57 -ին
Շնորհակալություն հարգելի Անի։
Եվ ևս մեկ հարց դրա հետ կապված։ Ինչպես հաշվարկել ամսվա եկամուտը, եթե այդ ամիսը ներառում է և՛ հղիության և ծննդաբերության արձակուրդի օրեր և՛ մինչև 3 տարեկան երեխայի խնամքի արձակուրդի օրեր։
Կարգի 22-րդ կետը սահմանում է միայն հղիության և ծննդաբերության արձակուրդի օրերի համար հաշվարկի կարգը։ Իսկ ինչպե՞ս հաշվարկել մնացած օրերի համար։
|
|
Վարկանիշ: 399 ♦
Հարց: 2 ♦
Պատասխան: 47
Պատասխանը տրվել է 13.02.2019, 17:26 -ին
«Ժամանակավոր անաշխատունակության և մայրության նպաստների մասին» ՀՀ օրենքի 22-րդ հոդվածի 9-րդ մասի համաձայն` հաշվարկային ժամանակահատվածի այն ամիսների համար, որոնց ընթացքում վարձու աշխատողը եղել է մինչև երեք տարեկան երեխայի խնամքի արձակուրդում (այսուհետ` խնամքի արձակուրդ), որպես եկամուտ հաշվառվում է խնամքի արձակուրդն սկսվելու ամսվան նախորդող ամսին աշխատանքային պայմանագրով կամ Հայաստանի Հանրապետության օրենսդրությամբ տվյալ վարձու աշխատողի համար սահմանված հիմնական աշխատավարձը: Քանի որ Ձեր օրինակում այդ ամսվան նախորդող ամսում աշխատակիցը գտնվել է հղիության և ծննդաբերության արձակուրդում և նրա եկամուտը կազմել է 0 դրամ, ապա հիմք ընդունելով վերոնշյալ նորմը և նույն օրենքի 22-րդ հոդվածի 6-րդ մասը` «...նպաստը հաշվարկելու համար հիմք ընդունվող միջին ամսական աշխատավարձը պետք է համարել նվազագույն ամսական աշխատավարձի հիսուն տոկոսը»` 27500 ՀՀ դրամ:
|
|
Վարկանիշ: 23 ♦
Հարց: 1 ♦
Պատասխան: 11
Պատասխանը տրվել է 14.02.2019, 11:01 -ին
Հարգելի Անի Այսինքն ստացվում է, որ եթե մարտ ամսվա 30 օրը աշխատակիցը գտնվել է հղիության և ծննդաբերության արձակուրդում և այդ 30 օրվա համար կարգի 22-րդ կետի համաձայն հաշվարկվել է 300.000 դրամ իսկ նույն ամսվա 1 օրը գտնվել է մինչև 3 տարեկան երեխայի խնամքի արձակուրդում, ապա տվյալ ամսվա համար որպես եկամուտ պետք է ընդունել 27500 դրա՞մ։ Խնդրում եմ այս հարցին էլ պատասխանել
|
|
Վարկանիշ: 156 ♦
Հարց: 0 ♦
Պատասխան: 19
Պատասխանը տրվել է 15.02.2019, 13:12 -ին
Հարգելի VardanR, «Ժամանակավոր անաշխատունակության և մայրության նպաստների մասին» ՀՀ օրենքի 22-րդ հոդվածի 9-րդ մասի համաձայն` հաշվարկային ժամանակահատվածի այն ամիսների համար, որոնց ընթացքում վարձու աշխատողը եղել է մինչև երեք տարեկան երեխայի խնամքի արձակուրդում (այսուհետ` խնամքի արձակուրդ), որպես եկամուտ հաշվառվում է խնամքի արձակուրդն սկսվելու ամսվան նախորդող ամսին աշխատանքային պայմանագրով կամ Հայաստանի Հանրապետության օրենսդրությամբ տվյալ վարձու աշխատողի համար սահմանված հիմնական աշխատավարձը: Նորմը պետք է մեկնաբանվի հետևյալ կերպ՝ եթե տվյալ ամսում աշխատակիցը գոնե 1 օր գտնվել է մինչև երեք տարեկան երեխայի խնամքի արձակուրդում, ապա տվյալ ամսվա համար որպես եկամուտ հաշվառվում է խնամքի արձակուրդն սկսվելու ամսվան նախորդող ամսին աշխատանքային պայմանագրով վարձու աշխատողի համար սահմանված հիմնական աշխատավարձը: Հետևաբար, Ձեր օրինակում որպես մարտ ամսվա եկամուտ պետք է ընդունել 27500 դրամը։
|
|
Վարկանիշ: 23 ♦
Հարց: 1 ♦
Պատասխան: 11
Պատասխանը տրվել է 15.02.2019, 16:36 -ին
Շնորհակալ եմ բոլոր մասնակիցներին սպառիչ պատասխանների համար
|