Հարգելի Վիկա,
Համաձայն «Ժամանակավոր անաշխատունակության և մայրության նպաստների մասին» ՀՀ օրենքի
3-րդ հոդվածի 3-րդ մասի` մայրության նպաստի միջոցով Հայաստանի Հանրապետության աշխատանքային օրենսգրքով սահմանված` հղիության և ծննդաբերության արձակուրդի (արձակուրդի իրավունք ունենալու) ժամանակահատվածում մասնակիորեն կամ ամբողջությամբ փոխհատուցվում է սույն օրենքի
4-րդ հոդվածով սահմանված անձանց հղիության և ծննդաբերության պատճառով առաջացած ժամանակավոր անաշխատունակության հետևանքով կորցրած աշխատավարձը
(եկամուտը), որն անձը ստանում էր կամ կարող էր ստանալ:
Վերոնշյալից բխում է, որ մայրության նպաստը պետության կողմից աշխատավարձի փոխարեն վճարվող փոխհատուցում է,
այլ ոչ թե աշխատավարձ:
Իսկ «ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» ՀՀ օրենքի
11-րդ հոդվածի 2-րդ մասով սահմանվում է, թե ովքեր չեն վճարում դրոշմանիշային վճար:
Վերոգրյալից հետևում է, որ հղիության և ծննդաբերության արձակուրդում գտնվող անձին վճարված նպաստից դրոշմանիշային վճար չի պահվում: