Հարգելի hashas,
Շահաբաժինները բաշխվում են մաքուր շահույթից, որն էլ ձևավորվում է ստացված հասույթից բոլոր ծախսերը (այդ թվում անուղղակի հարկերը) նվազեցնելուց հետո:
Համաձայն ՀՀ հարկային օրենսգրքի
4-րդ հոդվածի 1-ին մասի 32-րդ կետի` շահաբաժինը կազմակերպության կանոնադրական կամ բաժնեհավաք կամ փայահավաք կապիտալում մասնակցությունից (բաժնետոմսից, բաժնեմասից, փայաբաժնից) կամ համատեղ գործունեությունից, որպես շահույթի բաշխում (այդ թվում` միջանկյալ բաշխում), մասնակցի ստացած կամ ստացման ենթակա
եկամուտ է: Հետևաբար, հասույթից ծախսերը և անուղղակի հարկերը նվազեցնելուց հետո ՀՀ հարկային օրենսգրքի
152-րդ հոդվածի 1-ին մասի համաձայն հարկային գործակալի կողմից հաշվարկվում և պահվում է եկամտային հարկը` նույն օրենսգրքի
150-րդ հոդվածի 8-րդ մասով սահմանված դրույքաչափերով: