Հարգելի ELYA,
Համաձայն ՀՀ աշխատանքային օրենսգրքի
130-րդ հոդվածի 2-րդ մասի` վերջնահաշվարկի ժամանակ աշխատողին վճարվում է չվճարված աշխատավարձը և դրան հավասարեցված այլ վճարումները, ներառյալ չօգտագործված արձակուրդի համար հատուցումը:
Չօգտագործված արձակուրդների հատուցման չափը որոշվում է չօգտագործված օրերի քանակով և այն միջին օրական աշխատավարձով բազմապատկելով: Համաձայն ՀՀ աշխատանքային օրենսգրքի
195-րդ հոդվածի 3-րդ մասի` հնգօրյա աշխատանքային շաբաթվա դեպքում միջին օրական աշխատավարձի չափը որոշվում է` միջին ամսական աշխատավարձը բաժանելով 21-ի, իսկ վեցօրյա աշխատանքային շաբաթվա դեպքում`25-ի: Միջին աշխատավարձը հաշվարկվում է նույն օրենսգրքի
195-րդ հոդվածով սահմանված կարգով: