Հարգելի A P,
Ձեր կողմից բարձրացված հարցը կարգավորվում է ՀՀ քաղաքացիական օրենսգրքի 15-րդ գլխով, որտեղ սահմանված են գրավի պայմանագրի կողմերի իրավունքները և պարտականությունները. մասնավորապես` վերոնշյալ գլխի 249-րդ հոդվածով սահմանված է գրավառուի պարտականությունը գրավի առարկայի վրա բռնագանձում տարածելու դեպքում գրավատուին պատշաճ կարգով ծանուցելու պարտականությունը:
Նույն օրենսգրքի 251-րդ հոդվածի 2-րդ մասով սահմանված է, որ եթե գրավ դրված գույքն իրացնելուց ստացված գումարը կամ գրավառուին կամ նրա նշած անձին ի սեփականություն անցած գույքի արժեքը բավարար չէ գրավառուի պահանջները բավարարելու համար, նա իրավունք ունի պակաս գումարն ստանալու պարտապանի այլ գույքից, եթե այլ բան նախատեսված չէ պայմանագրով:

Ani Hambardzumyan, իսկ եթե սև ցուցակում եմ և արդեն 3-4 տարի անցել է ավտոմատ կերպով դուրս գալիս եմ սև ցուցակից,? թե չկա հստակ ժամկետ որից հետո ավտոմատ կերպով դուրս եմ գալիս սև ցուցակից? 

Հարգելի A P,
Համաձայն «Վարկային տեղեկատվության շրջանառության և վարկային բյուրոների գործունեության մասին» ՀՀ օրենքի 11-րդ հոդվածի 6-րդ մասի դրույթի. «Վարկային բյուրոյի կողմից տրամադրվող վարկային զեկույցներում չպետք է ներառվի վարկային զեկույցի տրամադրման պահին նախորդող հինգ տարուց ավելի վարկային տեղեկատվություն»: