Հարգելի Արամ,

   ՀՀ կառավարության 2002թ. մարտի 19-ի թիվ 270 որոշման պահանջներին համապատասխան տեղադրվող ցուցանակների վրա զետեղվող տեղեկատվությունը արտաքին գովազդ չի համարվում:
   ՀՀ Երևանի քաղաքապետի 27.04.2006թ. թիվ 640-Ն որոշման համաձայն արտաքին գովազդ են համարվում «Երևան քաղաքի տարածքում արտաքին գովազդի տեղաբաշխման (տեղադրման) չափորոշիչներով» սահմանված մակերեսից ավելի մակերեսով տեղադրվող ֆիրմային նշանները և գովազդվող ապրանքանշանները: ՀՀ Երևանի քաղաքապետի նույն որոշման 1-ին հավելվածով սահմանվում է արտաքին գովազդի տեղադրման թույլտվություն ստանալու կարգը:

Որպես լրացում նշենք, որ ցուցանակի հասկացությունը տրված է "Լեզվի մասին" ՀՀ օրենքի 1.1-ին հոդվածով:

Շնորհակալ եմ Հարգելիներս։ 
Խնդրեմ կարող եք ասել եթե արտաքին գովազդ չի հանդիսանում և ցուցանակ է որևէ տեղ պետք է գրանցել կամ արձանագրել։ 

Ցուցանակը գրանցելու կամ որևէ այլ տեղ արձանագրելու անհրաժեշտություն չկա: Ուղղակի հետևեք վերը նշված կառավարության 270 որոշմամբ սահմանված ցուցանակին ներկայացվող պահանջներին:

Շնորհակալ եմ Հարգելի Ռոբ պատասխանի համար։
Այլ հարց է առաջանում կառավարության 270 որոշման պահանջների մեջ 3-րդ կետը նշում է որ պետք է ցուցանակի վրա գրվի  կազմակերպության (ֆիրմայի) անվանումը, կազմակերպական-իրավական ձևը Իսկ Հարգելի Անի Համբարձումյանի նշած լեզվի մասին ՀՀ օրենքում ցուցանակի բացատրությունը այլ է։

270 որոշմամբ սահմանված է, թե ինչ տեղեկություններ պարտադիր պետք է զետեղված լինեն ցուցանակի վրա:
Իսկ Անիի կողմից տրված է ցուցանակի սահմանումը` այսինքն ինչ տեղեկություններ կարող են զետեղվել ցուցանակի վրա: