Հարգելի Ռուզան,

         Համաձայն ՀՀ աշխատանքային օրենսգրքի 158-րդ հոդվածի 2-րդ մասի` ամենամյա արձակուրդը լինում է նվազագույն, երկարացված և լրացուցիչ: Նույն օրենսգրքի 159-րդ հոդվածի 1-ին մասի համաձայն` 20 աշխատանքային օրը ամենամյա նվազագույն արձակուրդի տևողությունն է հնգօրյա աշխատանքային շաբաթվա դեպքում, իսկ Ձեր նշած 4 աշխատանքային օրը` ՀՀ աշխատանքային օրենսգրքի 161-րդ հոդվածի համաձայն տրամադրվող ամենամյա լրացուցիչ արձակուրդի տևողություն է, որը սահմանվում է ՀՀ կառավարության 11.08.2005թ. թիվ 1384-Ն որոշմամբ:

          Չօգտագործված ամենամյա արձակուրդի համար դրամական հատուցման կարգը սահմանված է ՀՀ աշխատանքային օրենսգրքի 170-րդ հոդվածով, որի համաձայն` հատուցումը վճարվում է չօգտագործված բոլոր արձակուրդների համար:

       Հետևաբար, չօգտագործված ամենամյա արձակուրդի համար դրամական հատուցման չափը հաշվարկելիս պետք է հաշվի առնել նաև չօգտագործված ամենամյա լրացուցիչ արձակուրդի օրերի քանակը: