Հարգելի' մասնակից,

Համաձայն «Հաշվապահական հաշվառման մասին» ՀՀ օրենքի 24-րդ հոդվածի 1.1-ին մասի`
կազմակերպությունը պարտավոր է հրապարակել իր տարեկան ֆինանսական հաշվետվությունները հետևյալ պայմաններից որևէ մեկի առկայության դեպքում.
եթե կազմակերպության հաշվետու տարվա (որի համար պետք է կազմվեն ֆինանսական հաշվետվությունները) գործունեությունից հասույթը գերազանցում է մեկ միլիարդ դրամը, կամ
եթե հաշվետու տարվա (որի համար պետք է կազմվեն ֆինանսական հաշվետվությունները) վերջի դրությամբ ակտիվների հաշվեկշռային արժեքը գերազանցում է մեկ միլիարդ դրամը:

դատելով Ձեր գրանցված կեղծանունից` ենթադրվում է, որ Ձեր կազմակերպությունը հեռուստաընկերություն է, եթե դա այդպես է, ապա համաձայն «Հեռուստատեսության և ռադիոյի մասին» ՀՀ օրենքի 20-րդ հոդվածի 2-րդ մասի` հեռուստառադիոընկերությունները պարտավոր են մինչև հաշվետու տարվան հաջորդող մայիսի 1-ը հրապարակել իրենց տարեկան ֆինանսական հաշվետվությունները և տեղեկատվություն տարեկան եկամուտների մասին: