Բարև
Ձեզ,
անդրադառնալով
ոչ լրիվ աշխատանքային օր սահմանելու համար գործատուին դիմելու իրավունքի վերաբերյալ հարցին` նշեմ, որ այն կարգավորվում է ՀՀ աշխատանքային օրենսգրքի 141-րդ հոդվածի 1-ին մասի 3-րդ կետով:
Նշեմ նաև, որ աշխատաժամանակի տևողության հետ կապված հարցերը կարգավորվում են ՀՀ աշխատանքային օրենսգրքի 139-րդ հոդվածով: ՀՀ աշխատանքային օրենսգրքի 171-րդ հոդվածը սահմանում է, որ նպատակային արձակուրդի տեսակ է հղիության և ծննդաբերության արձակուրդը: Նույն օրենսգրքի 172-րդ հոդվածի համաձայն` աշխատող կանանց տրամադրվում է հղիության և ծննդաբերության արձակուրդ`140 օր (70 օր` հղիության, 70 օր` ծննդաբերության):
Քանի որ ՀՀ Սահմանադրության (06.12.2015թ. փոփոխություններով) 57-րդ հոդվածի ուժով վճարովի արձակուրդը հանդիսանում է իրավունք, այլ ոչ պարտավորություն, ապա կարող եք օգտվել Ձեր իրավունքից Ձեր իսկ հայեցողությամբ:
Հարգանքով`